葛小電子教學資訊站

OneDrive, Google Drive, Dropbox等常用既雲端工具，一般都有電腦版，就可以好似平時用電腦咁，打開Folder或檔案就直接使用。 但登入OneDrive電腦版後，需要處理大量既設定及定期清理，先會得心應手。否則，會引致電腦負荷過重以及電腦變慢既問題。所以今日會講一講OneDrive電腦版既設定、功能及清理。 (不建議喺學校電腦使用) 登入 安裝Office365既時候已經安裝埋OneDrive，大家可以「開始」輸入OneDrive搜尋。 打開OneDrive後，需要登入Office365帳戶。 登入後需要選擇硬碟儲存既位置，建議使用較多空間既硬碟。 選擇之後，是雲端備份設定，按繼續就可以。之後都係OneDrive既介紹及教學，繼續就可以。 完成後，「檔案總管」會多咗一個Drive，就係我哋既OneDrive喇。 設定 雖然你會睇到晒所有OneDrive既Folder同檔案，但唔駛驚，啲檔案其實冇Download落你部電腦架。佢哋只係喺雲端狀態，唔會佔用電腦既儲存空間。 但如果多Folder睇起嚟都幾亂，大家可以按電腦右下方「工作列」既OneDrive Icon，再揀「說明和設定」，再按「設定」。 呢度可以設定好多嘢，大部份設定可以唔駛搞，如果想OneDrive整齊啲就可以去上面既「帳戶」，再揀「選擇文件夾」。就可以慢慢揀你常用既Folder顯示喺電腦度喇。 狀態介紹 在「檔案總管」開OneDrive既時候，會多咗一欄叫做「狀態」，主要分為三類。 藍色雲︰檔案在雲端中，未下載到裝置。 綠色剔(空心)︰在開啟時已下載到裝置，可離線開啟。 綠色剔(實心)︰標記為永遠保留在裝置上，可離線開啟。 後兩個狀態會佔用電腦既空間，所以需要定期進行整理。 重要！釋出空間！ 當大家喺OneDrive開啟檔案編輯既時候，檔案會即時下載到電腦，即綠色剔(空心)既狀態。用咗OneDrive一段時間既人都會發現，電腦愈來愈多綠剔，意味著電腦被佔用既空間愈來愈多。已經完成既工作以及檔案，其實只需要儲存喺雲端，呢個時候就要用到「釋出空間」。 步驟很簡單，只需要在「檔案總管」選取目標既文件夾或檔案，right click後點選「釋出空間」。(如文件夾內有其他文件夾或檔案，會一拼「釋出空間」。) 咁就可以節省電腦既儲存空間，目標既文件夾或檔案只會儲存係雲端度喇。 今日就講咗點...

雲端科技其中一個好處就係喺任何時間地點，只要有網絡就可以處理雲端上既文件。特別係我哋文書處理上，主要以MS Word, Excel, PPT等軟件，MS OneDrive既應用就更加有優勢。 幻想一下，如果我哋喺學校出緊一張工作紙，Save之後返到屋企打開電腦就可以繼續做。又再諗一下，坐緊車突然諗到一個好既點子，想放入PPT，只要打開手機就可以隨時修改，其實係幾咁方便既事。 所以今日呢篇文章，會講一講點樣用OneDrive 結合Word, Excel, PPT 優化我哋既文書處理。 我會以PPT作為例子示範。首先要先開啟PPT及登入Office365既帳戶。 登入後，可以新簡報嘗試一下。 相比以前既版本，Office365配合OneDrive，多咗自動儲存的功能。我哋可以按「檔案」 -> 「另儲新檔」，選擇自己帳戶既OneDrive，就可以喺右邊選擇OneDrive不同位置儲存。最後再按右上既儲存，就可以儲存喺OneDrive度。 同埋喺主頁面既左上方，會顯示為自動儲存。(大家可以因應自己既需要開啟/關閉此功能) 仲有一個重要既功能，喺主頁面既正上方會顯示檔案名稱(搜尋既左邊)，按呢個位置除咗可以幫檔案改名或者移動到OneDrive其他位置之外，仲可以揾番之前既版本記錄。 想將檔案還原到之前既版本，只要按「版本歷程記錄」，選擇要還原既版本，再按「開啟版本」。 開啟後按「還原」，就能還原檔案。大家亦可以按「檔案」 -> 「另存新檔」，另外儲存檔案。 製作PPT既過程之中，檔案會自動儲存喺雲端，意味著大家隨時放低手頭既工作，亦可以隨時隨地再繼續呢個工作。舉個例子，喺學校做個PPT做到咁上下，想返屋企先再做，大家可以安心關機放工，好神奇地，返到屋企開電腦就可以繼續做喇。 示範一下，首先開啟PPT，再按「開啟」。選擇自己既OneDrive帳戶，就可以開番個嚟做架喇。 希望呢篇文章幫到大家更方便處理日常既文件工作。 如應用OneDrive上有任何問題，可聯絡專家組既成員。

上次提到Office 365喺電腦上既安裝💻  但要隨時隨地工作💼用手機同平板一定方便好多。 其實Office 365亦有提供手機及平板既App，方便大家使用。 安裝步驟︰ 1) 打開手機/平板的App Store或Play Store； 2) 輸入「Microsoft」搜尋； 3) 建議只安裝Word、Excel、PowerPoint及OneDrive，已足夠應付日常工作； 4) 安裝後開始App(如PowerPoint)，點選左上方圓形icon； 5) 再點選上方登入，並輸入帳戶及密碼； 6) 完成登入後，就能使用OneDrive開啟文件。 **特別提醒︰手機或平板未必有文件的字型，需個別安裝字型到手機及或平板。 如安裝上有任何問題，可聯絡專家組既成員。

大家安裝同登入咗Office 365之後，其實OneDrive裡面咩都冇既。 就好似大家買咗部新電腦返嚟，乜都未裝咁。 呢個時候最好開定不同分類既資料夾，好好規劃自己既OneDrive喇💪 整理自己既OneDrive，小編會建議大家用OneDrive既網頁版︰ https://www.microsoft.com/zh-tw/microsoft-365/onedrive/online-cloud-storage   (最好Bookmark咗先) 進入網頁後，點選登入。 成功登入後，會自動進入OneDrive首頁。 左方分別有「我的檔案」、「最近」、「已共用」及「資源回收筒」 「我的檔案」︰顯示所有在OneDrive的檔案及資料夾。 「最近」︰顯示近期使用過的檔案。 「已共用」︰顯示所有與人共用的檔案及資料夾。 「資源回收筒」︰暫存已刪除的檔案及資料夾。 而整理OneDrive既文件時，我哋較常用介面中間既「新增」及「上傳」。 「新增」︰新增資料夾或Word、Excel、PowerPoint等檔案。 「上傳」︰上傳電腦內的檔案及資料夾。 當然大家亦可以用拖拉既方式，把電腦內的檔案及資料夾上傳到OneDrive。 另外點選檔案或資料夾右方的三點，有更多既選項。 較常用是「共用」、「下載」以及「版本歷程記錄」。 「共用」︰可以用Email邀請協作者或者用連結邀請，亦可以調較編輯既權限。 「版本歷程記錄」︰可以將檔案開啟及還原成不同時間既版本。 網頁版亦支援Word、Excel、PowerPoint，可以直接在頁面進行改修。 整理好OneDrive之後，OneDrive就成為你既雲端工作平台喇。 你可以隨時隨地處理不同的文件工作，提升工作效率。 如使用上有任何問題，可聯絡專家組既成員。

自上星期IT培訓後，好多老師都問及有關OneDrive既安裝及使用。 咁不如喺呢度一次過解答大家既問題啦😉 呢個教學會分成多篇文章，希望同大家手把手逐步建立屬於自己既雲端工作平台👍 一開始就教大家點下載同安裝啦~ 下載及安裝步驟︰ 1) 進入這個連結 https://www.office.com/ ； 2) 點選「登入」； 3) 輸入帳戶及密碼； 4) 在Office 365的頁面的右上方，點選「安裝Office」； 5) 點選「Office 365 App」，自動開始下載「OfficeSetup.exe」； 6) 下載完成後，點選「OfficeSetup.exe」安裝； (這個安裝包含Outlook、OneDrive、Word、Excel、PowerPoint等常用MS軟件。) 7) 特別提醒，如電腦有舊版Office，建議先剷除舊版再安裝； 8) 安裝完成後，可以開啟Word、Excel或PowerPoint； 9) 開啟後在視窗的右上方點選「登入」，成功登入後就能正常使用Word、Excel或PowerPoint。 而家大家就可以用Office 365既軟件喇🎊 但OneDrive既登入及設定比較複雜，喺之後既文章再仔細處理。 如安裝上有任何問題，可聯絡專家組既成員。

 Pear Deck - 互動PPT Pear Deck 係一個可以結會PowerPoint及Google Slides的外掛程式(Plug-in)。 透過Pear Deck，老師可以加入唔同形式既問答，提高課堂既互動性。Pear Deck互動既功能包括︰短答(Text or Number)、選擇題(Choice)、*繪畫(Draw)、*拖曳(Draggable)。(*Draw同Draggable只有收費版才能使用) 老師只要到Pear Deck Microsoft登入，在PPT > 插入 > 增益集，揀Pear Deck 就可以啟動互動功能。老師可以在頁面加上互動元素，頁面就會自動生成Pear Deck既Banner以及QR Code作為提示。 上課時，老師只需要click「Present with Pear Deck」，隨即會彈出class code，學生可以用app 或在網頁輸入 joinpd.com 就可以輸入class code (也可以直接分享連結)，在自己螢光幕睇到同老師同步的PPT及互動，非常方便使用。 (等待學生既頁面) (學生頁面) 但Pear Deck 唔可以播放PPT既動畫，大家要留意呀~ 更多Pear Deck既資訊，可以到Pear Deck網頁或EduCity網頁了解更多。 Pear Deck︰ https://www.peardeck.com/microsoft EduCity教學影片︰ https://www.hkedcity.net/goelearning/resource/5f30a59caee1bebc76090f77 如大家有電子教學相關既疑問，歡迎與專家組成員聯絡。

Blooket - Kahoot!的進化版😱 線上互動教學遊戲網站 相信好多老師喺課堂都用過Kahoot! 呢一類網上互動問題平台。 唔知啲學生玩厭咗未呢？😅 玩厭咗都唔駛怕💪又有新嘢可以玩可以學喇~~~~~ 推薦大家一個「線上互動教學遊戲網站」 Blooket Blooket結合咗線上問答以及小遊戲的元素，提升師生與生生之間的互動性🎮 老師只需要好似Kahoot!、Quizlet(可重用Quizlet的題目，不用重新輸入) 建立一個問題題庫，click幾個制就可以變成一個遊戲架喇~ 設定多條選擇題， 按「Host」就可以揀遊戲模式💖 遊戲既模式真係好多選擇， 而小編最鍾意都係「Racing」🏁 「Racing」模式裡面，學生需要回答不同既問題，正確就可以前進一步，答錯就要停一停喇⛔ 最特別係個模式好似Mario Kart咁有道具用，增加咗唔少既互動性同樂趣😂 比賽後會顯示冠亞季軍，老師亦可以檢視學生回答既數據進行回饋💬 更多Blooket既資訊，可以到Blooket網頁或Youtube了解。 Blooket︰ https://www.blooket.com/dashboard Youtube教學影片︰ https://youtu.be/7hTMyaA_uiE 如大家有電子教學相關既疑問，歡迎與專家組成員聯絡。